ديل أهلى

ود ابحجير جاكم حتما أنكم اهلى معاكم ترعرعنا دايرين ترحيبكم
[img][/img]

أخونا الغالى ود ابو حجير واللة أنها الساعة مباركة وحبيت أقولك لو مابقيت من زى ديل أهل الحارة ما أهلى :

الف تحية ليكي من الفؤادي
صدورنا بلادي بلادي اهلا يا بلادي
حماية ليكي من الاعادي
بلادي انا بلاد ناسا مواريثم في اول شي كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا في الخلاوي ورع
والله كم نخلاتا تهبهب في جروفا الساق
بقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلق في جداولو دمع
يخدر في بلادي سلام
خدرة شاربة موية النيل
تزغرد في البوادي زرع
بلادي سهول بلادي حقول
بلادي الجنة للشافوها او للبرّة بيها سمع
بلاد ناسا تكرم الضيف
حتى الطير يجيها جعان ومن اطراف تكيها شبع
تشيل الناس وكل الناس وسع بي خيرو لينا يسع
وتدفق مياه النيل على الخيران
بياض الفضة في وهج الهجير بيشع
بلادي الصفقة والطنبور
داراتا تنح باليل
بنوتا تحاكي الخيل
تشابن زي جدي الريل
وشبالا مكنتل في الطريفو ودع
بلادي بلاد من التاريخ
من تيرهاقا لا عن ميسنا
حتى ان جاي خيرو تروع
بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبر كل الدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل ديل فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي

مصطفى ابوحجير كتب:ود الحسن عزيزى الغالى التحية لك و الشكر الجزيل على هذا الترحيب الرائع و لو ما كنتم أنتم أهلى فمن سيكون اهلى

البلد ياحليلا برضو و كيف أخوك عاد ينسى أرضو

طارى نيلا و القمارى الجات تقوقى على نخيلا

و لعبة الضحوى التجنن و فيها ناس حبوب يعرضو

التحية و التقدير لأستاذى ( عطا الطاهر )قائل الكلمات الفائته فى وصفه للبلد و ياريت ينضم لهذا المنتدى الرائع . و صراحة دى مهمة الأستاذ / أبشر الماحى يجيب لنا عطا معاه

أخى الغالى ود ابوحجير الاتصالات جارية مع جميع الاخوان بالخرطوم على جميع المستويات ونأمل فى القريب العاجل يكون
بيننا كل الاخوان بالسودان والامارات و خارج الخليج .
لكن اخى مصطفى انت لا تعفى من هذة المهمة عليك بالجهد كما عهدناة فيك والله الموفق .

مرحب وحبابك عشره الخال مصطفي ونورت المكان بعمتك الماكنه وقويه ابدا نحن راجينك والمنتدي منتداك

هبك كتب:مرحب وحبابك عشره الخال مصطفي ونورت المكان بعمتك الماكنه وقويه ابدا نحن راجينك والمنتدي منتداك

يا هبك نحن كنا شاكين فى عمة شفناها فى حفلة القلع لكن الليلة أتأكدت العمة ؟
هى أتاريها لابدة بهناك ؟

العزيز هبك لك الشكر و التقدير و الله بقدرنا عليكم
باقى عنكم تيربو

محمد حسن على كتب:

هبك كتب:مرحب وحبابك عشره الخال مصطفي ونورت المكان بعمتك الماكنه وقويه ابدا نحن راجينك والمنتدي منتداك

يا هبك نحن كنا شاكين فى عمة شفناها فى حفلة القلع لكن الليلة أتأكدت العمة ؟
هى أتاريها لابدة بهناك ؟

يازول قول بسم الله ( داك ود الجبل )
هههههههههههههههههه

مصطفى ابوحجير كتب:

محمد حسن على كتب:

هبك كتب:مرحب وحبابك عشره الخال مصطفي ونورت المكان بعمتك الماكنه وقويه ابدا نحن راجينك والمنتدي منتداك

يا هبك نحن كنا شاكين فى عمة شفناها فى حفلة القلع لكن الليلة أتأكدت العمة ؟
هى أتاريها لابدة بهناك ؟

يازول قول بسم الله ( داك ود الجبل )
هههههههههههههههههه

لكن والله ياها لكن باقيلك ماها دايرة الدبورة و وعريجة على دكان جدنا على وصلة لدكان الكندو وقيلة
مع عمر ود احمد النعير .