الرابط للمنتدي الجديد http://mebarekanew.com/vb/index.php


    حنبنيهو بعيدا عن السياسه

    شاطر
    avatar
    gedo771

    عدد المساهمات : 184
    تاريخ التسجيل : 11/04/2010
    العمر : 44
    الموقع : الشرقيه/الجبيل

    حنبنيهو بعيدا عن السياسه

    مُساهمة من طرف gedo771 في الأحد مايو 16, 2010 7:05 pm

    شوف محجوب شريف قال شنو في الوطن


    حنبنيهو..
    البنحلم بيهو يوماتى
    وطن شامخ
    وطن عاتى
    وطن خيّر ديمقراطى

    وطن مالك زمام أمرو
    ومتوهج لهب جمرو
    وطن غالى
    نجومو تلالى فى العالى
    إراده
    سياده
    حريّه
    مكان الفرد تتقدم..
    قيادتنا الجماعيّه
    مكان السجنِ مستشفى
    مكان المنفى كليّه
    مكان الأسري..
    ورديّه
    مكان الحسره أغنيّه
    مكان الطلقه
    عصفوره
    تحلق حول نافوره
    تمازج شُفّع الروضه
    حنبنيهو
    البنحلم بيهو يوماتى

    وطن للسلم أجنحتو
    ضدّ الحرب أسلحتو
    عدد مافوق ما تحتو
    مدد للأرض محتله
    سند للإيدو ملويّه
    حنبنيهو..
    البنحلم بيهو يوماتى
    وطن حدّادى مدّادى
    ما بنبنيهو فرّادى
    ولا بالضجه فى الرادى
    ولا الخطب الحماسيّه
    وطن بالفيهو نتساوى
    نحلم..
    نقرا
    نتداوى
    مساكن
    كهربا ومويه..
    تحتنا الظلمه تتهاوى
    نختّ الفجرِ طاقيّه
    وتطلع شمس مقهوره
    بخط الشعب ممهوره
    تخلي الدنيا مبهوره
    إراده
    وحده شعبيّه


    _________________
    كل ما اقول انساك لا بيني لا بينك
    القي الحنين جواي يسأل يقول وينك

      الوقت/التاريخ الآن هو السبت ديسمبر 16, 2017 3:39 am