الرابط للمنتدي الجديد http://mebarekanew.com/vb/index.php


    انواع الحريم السودانيات

    شاطر
    avatar
    gedo771

    عدد المساهمات : 184
    تاريخ التسجيل : 11/04/2010
    العمر : 43
    الموقع : الشرقيه/الجبيل

    انواع الحريم السودانيات

    مُساهمة من طرف gedo771 في الأربعاء أبريل 21, 2010 4:24 pm

    انواع الحريم السودانيات للزواج
    إن بقيت بخيت .. ربنا يديك مرا هدية ورضية .. السماحة ماضروري لانو بعد شوية .. ما حتكون سمحة حاتكون عادية .. نصيحة ليك النسوان البقولن ليك ديل اوعك تعرس واحدة فيهن ، الفنانة
    والحنانة والحردانة والمدرسة والمدبرسة والمفلسة والنوامة والحوامة واللوامة والبوبارة والكوبارة والخبارة والفشارة والممحوقة واللايوقة
    أها نمسكن واحدة واحدة




    1- الفنانة :- حاتمرق معاها وتقعد تحوم .. في الحفلات .. وتشوف كرسي قدام وتقعد فيهو شايل عكازل وسكينك في ضراعك وعينك عليها .. إن راجل بشر ساكت تتحنفش وتتخنفش وتقوم .. إلا يهجروك اتنين علي الكرسي .. وتجوا نص الليل راجعين اهلكم والنهار كلو نائمين




    2- الحنانة :- طول النهار برا البيت .. تحنن في نسوان الرجال وهي كرعينها يكونن ما شافن حنة ليهن سنين .. والنهار كلو إنت تحاحي في الشفع ما يلمسوا الصبغة .





    3- الحردانة :- دي حا تكرهك حياتك اقل كلمة تتفنع توبها وتجري بيت ناس ابوها وتلحقها انت وتلقي ابوها تقعد في طرف العنقريب .. تطقطق في اصابعيك ومدنقر في الواطة وداير تراضيها ترجع البيت .. لكن احسن حل يا تسكنوا مع ناس ابوها .. ياتجيب ناس ابوها عندكم .. عشان توفر المشاوير والجري



    .
    4- المدرسة :- اول حاجة دي ما بتقدر تفرق بينك وبين الطلبة .. وحتقعد تعيد وتكرر في الكلام مليون مرة .. زي برنامج من الامس في التلفزيون .. وممكن جداً تسرح وتقول ليك فاهم ياشاطر.




    5- المدبرسة :- تلقاها طوالي زهجانة .. وشايلة اخلاقها في طرف نخرتها .. وان كلكلتها ماتضحك وفي النهاية حتوديك التجاني الماحي ..... نزيل اكتئاب ..




    6- المفلسة :- مادايرة أي شرح .




    7- النوامة :- تجي من الشغل نص النهار وزهجان .. تلقاها ( تانية المخدة ) وخاتها ايدها تحتها وتشخر .. وريالتها سائلة .. وحالتها بالبلا ..




    8- الحوامة :- طول اليوم فوق كرعينها .. في الحلة من بيت لبيت .. وتدخل البيت قبال ما إنت تجئ من الشغل بخمس دقائق .. وتجري تولع النار وتطبخ ليك ( القطر قام ) .. واول ما ينتهي الغداء تدخل في سفنجتها إستعداداً لرحلة جديدة .



    9- اللوامة :- دا نوع مزعج جداً .. لو جبت سيرة اخوك ساكت .. تفتح فيهو ، الله بسألني سنتنا ديك وكت انت خليتنا بلا قروش وسافرت .. يدخل علينا مدلدل ايديهو .. كيس موز ساكت ما بيجي شايلو .. ولو جبت سيرة امك هي والله امك دي اصلها ما بتريدني من تشوفني تزعل والنيران تنطلق فيها .. وتمد قدومها .. ووليداتي ديل السلام يا الله ويا امين تسلم عليهم .




    10- البوبارة :- دي تحملك فوق طاقتك تشريك المابنشري .. وجيت الناس في البيت تجري علي علبة الذهب وتتعنكش كلها من راسها لي لكرعيها .. وتقعد تنضم وتكشكش بايديها وكرعيها ورقبتها واضنيها ,, عشان توري الذهب



    11- الكوبارة :- دي تكبر اي موضوع .. وتسوي ليهو توم وشمار .. وتقول ليك ناس القبور دقو الطنبور .. لو شافع من شفعك عتر ووقع تصرخ وتخت ايديها في نص راسها وبي طول حسها
    وووووووووووووووووووووووب علي ووووووووووب علي .. ماااااااااااااااااات خلاص ماااااااااااااااااااااااااات يسمعوها في الشارع والمصيبة لو انت كنت نائم وسمعتها .. تقوم مخلوع وتمرق من الاوضة لحدي نص الصالة .. اما لوكان عندك قلب مرضان .. اللحظة ديك ...... من المهد لي اللحد




    12- اللايوقة :- دي حكايتها تانية .. تمسك في موضوع يحلك منو الجليل الرحيم .. يادا هوي يادا
    الليلة يايمـــة طرشت ؟؟؟؟ وقدر ما تطنش هي مصرة .. وممكن تجئ وتخجك خجة جامدة عشان تنتبه .............................. للنقة




    كل ما ذكر نمازج يعنى ما كل السودانيات زى ديلا هنالك فى بناتنا فيهن العفة والرزانة فيهن الامل البضوى فى مدنا وفى قرانا
    avatar
    مصطفى ابوحجير

    عدد المساهمات : 47
    تاريخ التسجيل : 06/05/2010

    رد: انواع الحريم السودانيات

    مُساهمة من طرف مصطفى ابوحجير في الجمعة مايو 07, 2010 9:09 pm

    يا ود قلوبة تلحقنا و تحضرنا
    يمرقنا
    منهن الله
    avatar
    محمد حسن على

    عدد المساهمات : 242
    تاريخ التسجيل : 25/04/2010
    العمر : 44
    الموقع : المملكة العربية السعودية

    رد: انواع الحريم السودانيات

    مُساهمة من طرف محمد حسن على في السبت مايو 08, 2010 4:55 pm

    مصطفى ابوحجير كتب:يا ود قلوبة تلحقنا و تحضرنا
    يمرقنا
    منهن الله

    ود ابو حجير يا خوى أمسينا وأدسينا نحن ماقولنا شى .

    ود الياس

    عدد المساهمات : 2
    تاريخ التسجيل : 11/05/2010

    رد: انواع الحريم السودانيات

    مُساهمة من طرف ود الياس في الأربعاء مايو 12, 2010 1:09 am

    نصيحتك سمحه لكن متخره

    ابو حسن

    عدد المساهمات : 22
    تاريخ التسجيل : 05/05/2010

    رد: انواع الحريم السودانيات

    مُساهمة من طرف ابو حسن في الثلاثاء مايو 25, 2010 12:14 pm

    الظاهر وباقي لي كلللللللللللللللللللللل الناس اكلت نيم

      الوقت/التاريخ الآن هو الخميس سبتمبر 21, 2017 9:55 pm