الرابط للمنتدي الجديد http://mebarekanew.com/vb/index.php


    تجارب شعريه ( خواطر)

    شاطر
    avatar
    مهيدي

    عدد المساهمات : 18
    تاريخ التسجيل : 31/05/2010

    تجارب شعريه ( خواطر)

    مُساهمة من طرف مهيدي في الأربعاء يونيو 02, 2010 8:59 pm

    تجارب شخصيه

    بتلومنى ليه

    ماانت عارف غير عيونك
    فى الدنيا مابعرف عيون
    وانت عارف
    انى جد عايش شجونك
    احلى من كل الشجون
    وانت عارف
    ريدي ليك قصة بدايتو
    وانى كيف حافظ عهودوا
    وانى كيف عاشق روايتو
    واخر قولى غايتو
    انى شايف كل يوم بشتاق اليه
    وقولى بس ياغالى انت بتلومنى ليه

    قبال تلوم أسالنى ليه
    حسسنى انك
    حبي خايف جد عليه
    طمنى عنك
    ماتنتظر أسال انا
    اغمرنى حنك
    سمعنى من شعرك غنا
    وبتلومنى ليه
    ياعيونى يا كل الهنا
    وانا من هنا
    من جوه زفرات القصيد
    بهديك من ضى السنا
    بهديك حروف
    واديك وصيه تكون ولوف
    خليك معاى
    نرسم سوا
    شمس الصباح
    لوحتنا تبقى جميله صاح
    لا فيها هم
    لا فيها خوف
    ورغم الحصل
    رغم الظروف
    لومك وصل
    وعشان تشوف
    انا منو جد
    طوعت العذر
    نسجتو من حلو الحروف
    والمهم ياسيدي تعرف
    ماعيونا السايقه الخطي
    برضو القلب لازم كمان مرات يشوف
    وبتلومنى ليه
    قوليا ليه
    ماقالو مخلص وجد ولوف
    avatar
    مهيدي

    عدد المساهمات : 18
    تاريخ التسجيل : 31/05/2010

    رد: تجارب شعريه ( خواطر)

    مُساهمة من طرف مهيدي في الأربعاء يونيو 02, 2010 9:02 pm

    (رقم 2) فى انتظارك

    فى انتظارك
    كمل الصبر .
    ضاع العمر
    وقف الزمان

    مطر الشتاء بلل مكان الانتظار
    شالت ورودوا وفرهدت
    طلع القمر ضوا المكان

    والورود غنت وكت جاها الفراش
    شال القبل بموده وكل حنان

    وانا منتظر
    دمعى المعاي بلل رزاز مطر الشتاء
    ومازلت عائش الامتحان

    عايز اشوفك حتى لو بعت العمر
    مابين انتظارك وارتهان
    ايامى لجيتك كمان

    وفى انتظارك
    خيالى بسبح فى مدارك
    واتخيلك جنبي فى نفس المكان

    وانا منتظر اتعلمت كيف
    اقدر احبك اكتر من زمان

    غيب قدر ماتقدر على
    انا فى غيابك فى أمان

    بنتظر
    واحلى حاجه وحات عيونك
    الانتظار..
    مع انو نار
    الا نارك
    شائله من طبع الجنان
    avatar
    مهيدي

    عدد المساهمات : 18
    تاريخ التسجيل : 31/05/2010

    رد: تجارب شعريه ( خواطر)

    مُساهمة من طرف مهيدي في الأربعاء يونيو 02, 2010 9:04 pm

    (رقم 3)
    رسائلك


    جاتني منك كم رساله ؟
    خليك صريح قوليا كم
    هل خلاص الريده قلت
    والله عندك زول اهم ؟
    جاوبني قول قوليا لا
    او حتى قول لو كان نعم


    لو حاسي انو الريد فتر
    كلمني قول من غير حذر
    صارحنى مره
    السكوت ياهو الأمر
    والصبر
    فى حرم الهوي
    يازول صعب
    ايوب نبي !!!
    ودى الحكمه من ( راضي وصبر )
    وحقو تعرف
    ياعنيد
    انى زيك أعماق ودم
    جاتنى منك كم رساله
    قوليا كم ؟؟؟


    ولو كنت حاسي
    انك خلاص مليت هواي
    ووهبت ريدك لزول سواى
    ذكرياتك حاتبقي لى شعرى وغناى
    مرضي ودواي
    واملى ومناى
    توصل رسالة
    حتى لو جرة قلم
    جاتنى منك كم رساله
    قوليا كم ؟؟

    تتهنا تتسعد دى الامانى البمسي بيها
    واتمني تفرح ساحاتنا تحلم تمشي ليها
    واستنى جيتك الثوانى بعد مشيها
    والرسائل البينا كانت
    تلقانى دايما اقرأ فيها
    مش حرام تنسي الليالى
    وتبخل على بكيف ولم
    جاتني منك كم رساله
    قوليا كم ؟
    خليك صريح قوليا كم
    هل خلاص الريده قلت
    والله عندك زول اهم ؟
    جاوبني قول قوليا لا
    او حتى قول لو كان نعم
    avatar
    مهيدي

    عدد المساهمات : 18
    تاريخ التسجيل : 31/05/2010

    رد: تجارب شعريه ( خواطر)

    مُساهمة من طرف مهيدي في الأربعاء يونيو 02, 2010 9:06 pm

    انا يا زمن
    مولود
    موسم بالتعب
    ابوى كان
    فلاح زمان
    لو عندو حق السفره
    كان
    فكر مرق
    كان اغترب
    وامى لسه
    ست بيت اصيله
    من بيتا ماطش الكرم
    ما انسرق
    لملم هديماتو وهرب
    ولدونى فى زمنا سمح
    فطمونى بتمراً رطب
    والليله لو شفت الجرح
    من غير سؤال
    مكتوب عليو مين السبب
    تمرات ابوي
    يبسن عليو
    صارن خراب
    صبحن حطب
    كبرن خلاص
    لا قمرى فوقن لا دباس
    صبر التمور
    راياتو سلما واتغلب
    والله لو التور بنحلب
    فى زمنا كان
    بدرى اتحلب
    ولو الامانى
    تجود علينا
    نزرع محل الدوم عنب
    الا بس القدره مافى
    زى الاسد نط الفقر
    صنقر وثب
    والضرائب والاتاوه
    والعوائد
    ماخلولنا شيتاً باقيه تب
    الرسوم.. الكهرباء
    والمويه الما بتنشرب
    الا المزيرة نملاها شب
    والبيت بقا زى المدرسه
    طلاب كتير من غير كنب
    avatar
    gedo771

    عدد المساهمات : 184
    تاريخ التسجيل : 11/04/2010
    العمر : 44
    الموقع : الشرقيه/الجبيل

    رد: تجارب شعريه ( خواطر)

    مُساهمة من طرف gedo771 في الخميس يونيو 03, 2010 2:00 am

    ابداع ابو حميد
    وتقبل مروري
    مع خالص التحايا
    avatar
    هبك

    عدد المساهمات : 117
    تاريخ التسجيل : 11/04/2010
    العمر : 32
    الموقع : السعوديه

    رد: تجارب شعريه ( خواطر)

    مُساهمة من طرف هبك في الخميس يونيو 03, 2010 2:46 am

    شكرا لك محمد علي هذا الابداع
    avatar
    مهيدي

    عدد المساهمات : 18
    تاريخ التسجيل : 31/05/2010

    رد: تجارب شعريه ( خواطر)

    مُساهمة من طرف مهيدي في الخميس يونيو 03, 2010 2:13 pm

    وافر التحايا للكل
    وشاكر للمرور
    avatar
    محمد حسن على

    عدد المساهمات : 242
    تاريخ التسجيل : 25/04/2010
    العمر : 44
    الموقع : المملكة العربية السعودية

    رد: تجارب شعريه ( خواطر)

    مُساهمة من طرف محمد حسن على في الخميس يونيو 03, 2010 5:14 pm

    ياود المهيدى أبـــــــــــــــــــــــــــداع وانت معروف ذو حس مرهف
    واصل الابداع
    avatar
    مصطفى ابوحجير

    عدد المساهمات : 47
    تاريخ التسجيل : 06/05/2010

    رد: تجارب شعريه ( خواطر)

    مُساهمة من طرف مصطفى ابوحجير في السبت يونيو 05, 2010 12:50 am

    صراحة ياود المهيدى ابداع و مجهود يستاهل المرور
    و أدبنا تانى يا غالى
    avatar
    مهيدي

    عدد المساهمات : 18
    تاريخ التسجيل : 31/05/2010

    رد: تجارب شعريه ( خواطر)

    مُساهمة من طرف مهيدي في السبت يونيو 05, 2010 8:20 pm

    القمريه

    قمريه فوق
    تقنت جدى
    وقفت يوم تغنى
    بتحكى عنك
    وتحكي عنى
    واحتمال انك تسافرى
    غنية محروقه فى لهاتا
    والجروف الفيها ريحتك
    تانى مين يفتح قناتا
    ياحلاتك وياحلاتا
    حياتنا بيك مرهون حياتا
    وببساطه
    نحنا غيرك
    دنيا جد قاسيه وممله
    مابنجيب التمره شتله
    نحنا نزرعا من نواته
    اتربيتى قمتى
    كبرتى انتى
    شبيتى جيلك ما انتظرتى
    شب عودك
    ضل قوامك غطا جوفنا
    ولو عرفتى
    الدغش قبل نحن نقوم نصلي
    نتمنى شوفتك وانتى
    قبل تصلي برضو
    ادعى لينا
    اصلوا قالو الريد تمنى

    قمرية فوق
    تقروقة جدى
    ركت لى تغنى
    بتحكي عنك
    وتحكى عنى
    البلد نورا منك
    والبيلقى عفوك وحنك
    اكلو يبقى
    حروف قصيدك
    يحكى عنك
    طمبور وريشه
    واحلى عيشه
    عقلو طشه وساقوا جنك
    والغريب
    يابت فريقنا
    بناتنا برضو
    بيعشقنك
    ماغارو منك..
    بيحكو بيكي
    وبيوصفوك
    بالبنيه المافى منك
    بسرعه داير
    احكي ليك
    معاكى مابعرف تأنى
    قمريه فوق
    واسوق جدى
    ركت لى تغنى
    بتحكى عنك وتحكى عنى
    avatar
    مهيدي

    عدد المساهمات : 18
    تاريخ التسجيل : 31/05/2010

    رد: تجارب شعريه ( خواطر)

    مُساهمة من طرف مهيدي في السبت يونيو 05, 2010 8:23 pm

    مع السلامه
    مع السلامه
    سكتك اتمنى تتمدد فرح
    وقلبي رغم الجرح برضو
    ناسي انو الانجرح
    عافى ليك دمعى السكبتو
    أو بالأصح
    بتمنى ليك كل السلامه
    مع السلامه

    مرات اقول لو جيتني راجع
    يمكن تروح جوايا اهات المواجع
    بعدى عنك رغم انو اليم وفاجع
    الا كان باختيارك
    ولو تتابع
    قصة الفرقه تلقى انك ابتديت
    درب الملامه
    ومع السلامه

    والغريب تسأل عليا
    وانت عارف صبري فى بعدك شويه
    وعارفنى شايلك فى عينيا
    والفراق سويتو انت
    بايديك ماكان بايديا
    ياما كم انا همتا بيك
    ياغالي ياما
    مع السلامه

      الوقت/التاريخ الآن هو السبت ديسمبر 16, 2017 3:40 am