الرابط للمنتدي الجديد http://mebarekanew.com/vb/index.php


    كفتريات

    شاطر
    avatar
    هبك

    عدد المساهمات : 117
    تاريخ التسجيل : 11/04/2010
    العمر : 33
    الموقع : السعوديه

    كفتريات

    مُساهمة من طرف هبك في الخميس أبريل 22, 2010 1:04 am

    كفتيرتك في السوق مرمية

    وكبايتك يابسة ومجدوعة

    يا بت الخلطة النوبية

    يا حلوة ورائعة ومربوعة

    كانونك كان عامر بالناس

    صناع عمال ومساعديه

    حارسنك طول اليوم

    تجار وسماسرة عطلجية

    كم استحملتي رزالة الناس

    عشان امونة وزكريا

    فتشنا عليك في كل السوق

    ورتنا صديقتك قمرية

    حزنانة بتبكي بدمعا حار

    والعدة هناك في البلدية

    كشوك يا حواء من الأسواق

    واصبحت ايدك ملوية

    انتى الجيتي تشدي الشاي

    بتفتشي في لقمة هنية

    بتخافي كتير من كشف الحال

    أبيتي الطرق الملوية

    أحلامك على قدر لحافك

    ما عائزة عمارة وعربية

    عاجبك بيتك في الإنقاذ

    أو حاج يوسف ردمية

    كشوك يا حواء من الأسواق

    والدمعة في خدك متكية

    وهسة خلاص خليتي الشاي

    بتبيعي مريسة وبقنية



    الوداعية

    الوداعية
    جلست في ظل النيمة

    تتأمل في الودع المرصوص

    قالت يا ولدي شيل شيلتك

    وتسلح فالحرب ضروس

    امامك مشوار طويل

    الا ان تركب مخصوص

    الموقف مكتظ مليان

    ستدافر يا ولدي كثيرا

    وستركب وسط النسوان

    وستنشل كل نقودك

    وستصبح دوما حزنان

    الناس يا ولدي جيوش

    مندفعة مثل الطوفان

    فنصيحتي أن تذهب كداري

    ولا تركب بص ام درمان

    زواجك يا ولدي محال

    أصبر يا ود الصًرة

    حالياً وضعط بطال

    وحتبقى حياتك مرة

    فالمهر في كل الحلال

    قد اصبح بالعملات الحرة

    احببت فتاة مغرورة

    لعبت بي قلبك كورة

    أنساها وأبحث عن غيرها

    ويا ريت لو شرطت الصورة

    أنسى وتبسم

    فالزوجة قسمة وتوتوكورة

    ***
    avatar
    gedo771

    عدد المساهمات : 184
    تاريخ التسجيل : 11/04/2010
    العمر : 45
    الموقع : الشرقيه/الجبيل

    رد: كفتريات

    مُساهمة من طرف gedo771 في الخميس أبريل 22, 2010 3:44 pm

    رايع

      الوقت/التاريخ الآن هو الأحد ديسمبر 16, 2018 5:38 am