الرابط للمنتدي الجديد http://mebarekanew.com/vb/index.php


    [size=24]العذابه[/size]

    شاطر
    avatar
    هبك

    عدد المساهمات : 117
    تاريخ التسجيل : 11/04/2010
    العمر : 33
    الموقع : السعوديه

    [size=24]العذابه[/size]

    مُساهمة من طرف هبك في الخميس أبريل 22, 2010 1:09 am

    لعذابة

    أقولها نصيحة ليك يا بابا

    أحذر جيرة العذابة

    أهل الضمنة والكشتينة

    ديل أهل الطباع الشينة

    ليهم مرة نحن مشينا

    لا إتغدينا لا إتعشينا

    ***

    لو وقعت ما بتنحل

    حتى إن كان بقيت زي بله

    ديل القوم في أي محله

    نص الليل بشدوا الحلة

    ***

    يعبوا البيت زي الباخرة

    ما بعرفوا السراير الفاخرة

    دفاتر الكل عليهم ساخرة

    أصلوا خلاص بقت دين آخرة

    يخلوا البيت مبشتن ديمة

    يدخًلوا فيه عدة قديمة

    كمان لو فيه شجرة نيمة

    يكون وسخان وحالتو أليمه

    ***

    الملاية ما مفروشة

    وجوه الأوضة قامت كوشه

    ست البيت تكورك فيهم

    ديل أخواننا ضربوا قروشا

    ***

    الغسًال يكورك فيهم

    والتاجر أبا يديهم

    والجزار مشرك ليهم خلاص يا اخواننا عرفوا الفيهم

    زحمة شديدة في الشماعة

    ريحة كريهة في البلاعة

    ديل في الحلة عملوا مجاعة

    شفطوا القدرة في نص ساعة

    ***

    ضد العرس رفعوا الراية

    ديل إنحلًوا من الداية

    لا تطعيم كمان لا رعاية

    مافي كرامة ولا سماية

    لما شفتك


    لما شفتك قلبي كان ناصع نضيف
    زي الطيور الراحلة في زمن الخريف
    عشت متألم وما قادر أقيف

    زي زي مشرور وحيد

    مستني باصات الجريف

    أنا الكيشة صًدقت إدعائك

    يوم قلتي لي دمك خفيف

    وخدعني بوخ نظرات عيونك

    مليانة بالكحل الظريف

    قمت شلت الكيس من ايدك

    ووقفت في صف الرغيف

    دافعت ليك وسط الخلوق

    عشان تقولي ولد حريف

    واديتك العيش بابتسامة

    نابعة من قلبي الرهيف وبعد ما شلتي العيش

    نسيتيني ومشيتي بعيد

    وانا المشدوه أعاين فيك

    زي إقليمي جاي جديد

    تاه في زحمة الخرطوم

    وشاف الناس شمال وصعيد

    ما تنبسطي يا حلوة

    بعد نكرانك المعروف

    أصلو الحي مصيرو يلاقي

    ياما بيشوف

    واصلو الناس حياتها ظروف

    ويوم بلقاك في ورطة

    لانو بلدنا كلو صفوف

      الوقت/التاريخ الآن هو الأحد ديسمبر 16, 2018 4:22 am