الرابط للمنتدي الجديد http://mebarekanew.com/vb/index.php


    من ظرفاء أهل المنطقة

    شاطر

    ود الهلالي

    عدد المساهمات : 38
    تاريخ التسجيل : 01/05/2010

    من ظرفاء أهل المنطقة

    مُساهمة من طرف ود الهلالي في الثلاثاء مايو 04, 2010 2:04 pm

    ما أود أن أتناوله هنا في هذا البوست هو إحياء والتعرف على ظرفاء أهل المنطقة، وأتمنى من جميع الأعضاء من يعرفون من أهلنا ولهم مواقف ظريفة أن ينزولنها في هذا البوست حتى تعم الفائدة ونتلقى البسمات التي تشرح القلب. لازالت عند رأيي بأن أهل المنطقة يتمتعون بذكاء إجتماعي ندر أن نجده في مناطق أخرى. فنجعل ضربة البداية بعمنا أمد الله في عمره السيد/ محمد أحمد عيسى من أهلنا البطرن.
    ما جعلني إندهش كيف وصلت طرفه ونكاته الساخرة إلى فرقة الهيلاهوب وغيرها من الفرق حتى أصبحت شائعة في وسطنا السوداني.
    ذات يوم من نهار أواخر شهر رمضان ودرجة الحرارة تلفح الأبدان صاح خالي عيدالنعيم: يا ود عيسى تعال تعال بيجاي شوية.
    أتى ود عيسى قائلاً: بالله شوفت الحر دهـ الليلة كيفنو؟
    عبد النعبم: آي والله حالة صعبة. وبالمناسبة طلعت الفطرة يا ود عيسى؟
    ود عيسى: لا لليلة ما طلعتها.
    عبد النعيم: أها ناوي طلعها شنو؟
    ود عيسى: يقولون أنها من غالب قوت أهل البلد. نحن قوتنا بسكويت بطلعها ثلاث كراتين بسكويت. لكن إنت طلعها فيتريتة.
    لاحظوا السخرية،،،، طبعاً ما دعاه إلى قول ذلك هو السؤال الفي غير محله. من المعلوم أنها القمح ولكنه اغتاظ من السؤال.


    عدل سابقا من قبل ود الهلالي في الثلاثاء مايو 04, 2010 5:32 pm عدل 1 مرات

    ود الهلالي

    عدد المساهمات : 38
    تاريخ التسجيل : 01/05/2010

    رد: من ظرفاء أهل المنطقة

    مُساهمة من طرف ود الهلالي في الثلاثاء مايو 04, 2010 2:05 pm

    أيام ما قبل ظهور طريق الخرطوم عطبرة ووجود المواصلات قبل ظهور التطور الحتمي الذي فرضتها أوضاع البشر، كان ود عيسى مسافراً بالقطار ولم يقطع تذكرة. قال إنها غرامة ومستعد لدفعها فجاء وقت مرور الكمساري.
    الكمساري: تذكرة يا حاج
    ود عيسى: ما عندي تذكرة لكن هاك خذ حق التذكرة والغرامة ورجع لي الباقي
    الكمساري: ما عندي فكة لكن كتبن ليك الباقي في ضهر التذكرة.
    ود عيسى: أنا أديتك قروش ترجع لي قروش. أنا ما بعرف نضمك دهـ رجع لي قروشي الكتابة دي أنا ماني دايرة.
    هنا تدخل العسكري الذي يرافق الكمساري قائلاً: يا حاج الراجل دهـ كمساري القطر ومضمون خائف من شنو إنت.
    ود عيسى: طيب وكت مضمون إنت مباري مالك.

    ود الهلالي

    عدد المساهمات : 38
    تاريخ التسجيل : 01/05/2010

    رد: من ظرفاء أهل المنطقة

    مُساهمة من طرف ود الهلالي في الثلاثاء مايو 04, 2010 2:07 pm

    في أوائل عهد الانقاذ وأيام بطشها بقوة وردعها لكل من يعترض على قراراتها حتى ولو كانت جائرة أتى جارنا جلال الدين عوض رحمه الله قائلاً يا ود عيسى عليك شوف الرغيفة دي صغيرة كيف أسه إلا خمسة رغائف عشان تشبع الزول. ياللا نقوم نتظاهر على الغلاء دهـ
    ود عيسى: أخوي جلال أنا الرغيفة الواحدة دي مشباعني ومكفياني إنت بكرشك الكبيرة إلا خمسة رغائف حتين يشبعنك أمشي ظاهر إنت براك.

    ود الهلالي

    عدد المساهمات : 38
    تاريخ التسجيل : 01/05/2010

    رد: من ظرفاء أهل المنطقة

    مُساهمة من طرف ود الهلالي في الثلاثاء مايو 04, 2010 2:10 pm

    أخونا عثمان الخضر خفيف الظل وصاحب التعليقات الساخرة،،،،، ذات يوم كان يركب بجوارة في السيارة إبنه بمدينة جده وكان الإبن يجهز في شيلة العرس وإذا بهما كادا أن يرتكبا حادث مروري.
    فقال عثمان لولده: الليلة كان حيموتوا عريسين.
    ولده متسائلاً: والثاني منو يابوي
    عثمان: الأول إنت عرفتو؟
    الولد: أيوه
    عثمان: الثاني ماياك إنت

    ود الهلالي

    عدد المساهمات : 38
    تاريخ التسجيل : 01/05/2010

    رد: من ظرفاء أهل المنطقة

    مُساهمة من طرف ود الهلالي في الثلاثاء مايو 04, 2010 2:12 pm

    ذات مرة كان يعمل عثمان يعمل في صيدلية وجاءته فتاة رائعة الجمال،،، أعجب بجمالها وبعد أن كتب لها طريقة تناول الطعام، سألها: إنتي اسمك منو؟
    الفناة؟ إسمي جميلة
    عثمان: إنتي سموك بعد كبرتي

    ود الهلالي

    عدد المساهمات : 38
    تاريخ التسجيل : 01/05/2010

    رد: من ظرفاء أهل المنطقة

    مُساهمة من طرف ود الهلالي في الثلاثاء مايو 04, 2010 2:15 pm

    أيام برنامج وزنك ذهب طلب هاشم من عثمان أن يشترك في البرنامج بأسمه لأنه ثقيل الوزن وبذلك يكسب هاشم وزن ثقيل.
    قال له عثمان: ما بشيلك أوزنك أديك حقك قدر ميزانك وباخد الباقي.
    avatar
    محمد حسن على

    عدد المساهمات : 242
    تاريخ التسجيل : 25/04/2010
    العمر : 44
    الموقع : المملكة العربية السعودية

    رد: من ظرفاء أهل المنطقة

    مُساهمة من طرف محمد حسن على في الخميس مايو 06, 2010 4:27 pm

    مشكلتى لا أحفظ كثرا من حكم ظرفاء منطقتنا ولكن أوعدكم بطرائف من ظرفاء
    بلادنا الحبيبة .
    حبيت أحيك ود الهلالى لانى لى ثلاثة أيام لم أدخل ومشاء الله وجدت الكثير
    لذلك لك التحية والى المزيد من تلك الطرائف من بلادى الحبيبة

    علي هاشم

    عدد المساهمات : 13
    تاريخ التسجيل : 04/05/2010

    رد: من ظرفاء أهل المنطقة

    مُساهمة من طرف علي هاشم في الإثنين مايو 10, 2010 7:58 pm

    شكرا يا ود الهلالي

    انت بديت من ارتولي
    تعالي كمان اغشى ناس ام عيقاب
    ابو القاسم عوض الكريم
    قام أحمد العاشق يصلي في الصبح الساعة 10 صباح
    وعلي حظه كان ابوالقاسم بالقرب منه فسمعه يقرأ
    أرأيت الذي يكذب بالدين حتى وصل للآية الكريمة
    فويل للمصلين الذين هم عن صلاتهم ساهون
    فقال له
    عملتها في روحك


    تحياتي
    وفي انتظار مواصلة المشوار

    ود حليبي

    عدد المساهمات : 138
    تاريخ التسجيل : 26/04/2010
    العمر : 40
    الموقع : المملكة السعودية

    رد: من ظرفاء أهل المنطقة

    مُساهمة من طرف ود حليبي في الإثنين مايو 10, 2010 10:42 pm

    ود الهلالي أسمع دي
    عمنا العبيد ود الحسن الله يرحمه
    قاعدين في دكان عبد الرحيم البعشومي
    قام جاء مبلول ود الشمناوي شايل كروت فرح بيوزع فيها
    سأله حافظ ود أب خف دي كروت منه البتوزع فيها ..
    قاله مبلول حقت ولاد الأحمر
    قام حافظ قاله الغريبة أنا جني كرتين
    طوالي عمنا العبيد قاله ما عارفنك مابتدور إلا بي نقرتين..
    تحياتي،،،

    المانجلك

    عدد المساهمات : 3
    تاريخ التسجيل : 13/05/2010

    رد: من ظرفاء أهل المنطقة

    مُساهمة من طرف المانجلك في الجمعة مايو 14, 2010 4:15 pm

    ]الاخ ود الهلالي يديك العافيه محمد احمد عيسي جدي عم ابوي واريد اصحح ليك معلومه انه من البطرن  ان البطرن هم اخواله  والدته هي خادم الله بنت صديق ودالنور ودبطران  جدي محمد احمد عيسي من السوكتراب العيساب وحقيقه المعلومه دي فايته علي ناس كتار بحسبوا ان ال عيسي ودالشيخ من البطرن وذلك بسبب التداخل مع اهلنا البطرن في كل شي حتي حسبنا الناس منهم لهم كل تقدير ومحبه في قلوبنا نحن ال عيسي





     


    نرجع لموضوع جدنا محمد احمد عيسي مره اشتري (غنمايه من ارتولي مسفرها الي الخرطوم  الغنمايه وصلت تعبانه ويومها كل راقده ورافضه الاكل قام جاب ليها البيطري وبعد الكشف البيطري قال ليهوا ياعمنا الغنمايه دي ماعندها اي مرض بس تغير الجو هو الموثر فيها جدي التفت الي ابنه الامين  وقال ليه ( يا الامين باكر تسوقوا الغنمايه دي تودوها السينما ]


      الوقت/التاريخ الآن هو الأربعاء أكتوبر 18, 2017 8:16 am