من طرف بعيدا عن الكونفدراليه
} في محطة السكة الحديد )العلياب( ...يوجد (تذكار عزيز)...وتذكار عزيز اغنية لابراهيم عوض كتبها الشاعر )مصطفي عبدالرحيم( وهو كاتب اغنية احمد الجابري (هوج الرياح) وله اغنية ثالثة واخيرة مع زيدان ابراهيم ..ومصطفي عبدالرحيم رغم انه لم نسمع له غير هذه الاغنيات إلا ان وجوده الغنائي يضاهي وجود الذين انتجوا الف اغنية.
} تذكار عزيز وحدها اغنية فيها (جمالية) لا توجد في أية اغنية اخرى.
} الجميل ان هذا التذكار...(جرح).
} مع ذلك بقي ذلك (الجرح) عزيزا.
} مرة قرأت مقالا لحسين خوجلي تحدث فيه عن مصطفي عبدالرحيم ...كانت كتابات حسين خوجلي عن مصطفي لا تقل بأي حال من الاحوال من اغنيات مصطفي عبدالرحيم.
} فقد كانت هي (الروعة) ذاتها.
} مصطفي عبدالرحيم كان صحفيا ...وهو قد ترك (تذكار عزيز) لدي كل المستمعين باغنياته التي كان مقلا فيها ..ولم يرصد له غير ثلاث اغنيات كما ذكرت سلفا.
} والبعض يقول اربع.
} لكن مع هذا فان ثلاثية او رباعية مصطفي عبدالرحيم تكاد ان تملأ الارض.
} هذا نتاج الاثر الكبير الذي خلفته اغنيات مصطفي عبدالرحيم.
} قبل ان اعود الي تذكار (محطة العلياب) ابقي عند (تذكار عزيز) ...والشيء بالشيء يذكر...لا اكثر ولا اقل.
جرحي الأليم الشايلو تذكار
طول حياتي أسى وهموم
جرحي الدفين العذبك يا قلبي
طول عمرك أنين
داريتو في الأعماق سنين
غنيتو للعشاق حنين
شكوى وشجون
غنيتو أصدق أغنيات
أصبح مجرد ذكريات
وين الصلات وين الشموع
الفي دروبنا منورات
وبقت هموم
} انتوا عارفين (جرحي الاليم) شنو؟.
} جرحنا الاليم نحن اللعب في (الكونفدرالية).
} طبعا المريخاب الموضوع عندهم عادي ...يلعبوا في الكونفدرالية ...يلعبوا في سيكافا ما فارقة معاهم.
} المريخاب وقت يقعدوا مع بعض ...بقولوا : هو الهلال بيلعب في الكونفدرالية!!.
} هيع.
} خربانة من كبارها.
} بيقدلوا في الشوارع.
} الفرحة كاتلاهم.
} الخروج من بطولة الاندية الافريقية ما فارق معاهم.
} المريخ اصلو (الكونفدرالية) بتشبهوا.
} نحن الكونفدرالية دي ما بتتبلع لينا.
} ولا بنكذب.
} ولا بناجمل.
} بنبلع فيها زي الحنضل.
} هسع لو ما الظروف جابرانا ...ولا بنشتغل بي قرعتها.
} موضوع ما عندو أي قيمة.
} وبطولة أي كلام.
} وجع رأس ساكت...ما تعملوا ليها توم وشمار ساكت.
} الهلال مفروض ينسحب من الكونفدرالية.
} بعد العمر دا كلو معقولة نلعب في دور الترضية.
} الكونفدرالية دي ممكن يلعب فيها بلة جابر ...عبدالحميد السعودي ...قلق...بي طريقتهم.
} عادي عندهم.
} يعني شنو؟..هيثم مصطفي بيلعب فيها.
} ناس فييرا كبار علي البطولة دي.
} اعود الي تذكار محطة العلياب.
} ومحطات السكة الحديد دون غيرها ...هي الاقدر علي الاحتفاظ بالذكريات.
} محطات السكة الحديد...الاقدر علي صناعة الالفة...وهي الاقدر كذلك علي صناعة خبز الونسة...والعشرة.
} بمناسبة العشرة ...الفنان الراحل عثمان حسين...قال ان الشاعر عوض احمد خليفة كتب (عشرة الايام) في لندن.
} لذا جاءت الاغنية محملة بكل هذا الحنين والغربة ...والوجع.
} اغنية تحس فيها بضباب...لندن وببرودة طقسها القارس....كأن في الاغنية (شبابيك) فاتحة في لندن.
} في شوارع لندن وضبابها وبرودها الكبير.
بعــدك أمانى هواى ... بعـــدك جنيته عــــدم
ولا عرفـــت صديق ... لقلبى غير الهــــم
كم غيرى يشدو سعيد ... وانا في هواك مغرم
ورينى ايه ضراك ... لو كان صبرت شوية
واسلم من الأوهـــــام
ما كان فراقنا المر ... في نيتي أو فى ايدي
لكن ظروفك أبت ... وقست ظروفي علي
واتلاشت الأحلام ... وين حسن ظنك بي
ورينى إيه ضراك ... لو كان صبرت شويه
عمر السنين أيام
} هذه اغنية متل (هدوم العيد) مازالت مدهشة...ومازالت الحيرة تحوم حولها.
} مازالت تجدد فينا (جرح ) تستوجب وتحاسب.
} لعل اجمل مقاطع الاغنية في هذا الشروع ...(واتلاشت الاحلام...وين حسن ظنك بي).
} محكمة.
} وما يتبقي عند المحبين ...ان قفلت الدنيا ابوابها ..وسدت منافذها .. يبقي فقط (حسن الظن)..وهذا اجمل نتاج الاحباب.
} كل الاشياء لو حسبت عليك وكانت ضدك ..يجب ان يكون (الظن) حسنا..ان كان هناك حب.
} هذه الاغنية ..عندما تستطعم حروفها ..وتعلم انها كتبت في (لندن) سوف تفك طلاسم الحيرة والوجعة فيها.
} ما لي كلما فتحت سيرة (تذكار عزيز) اخرجنا منها لطاري.
} قلت في محطة العلياب ...ان لم تخني الذاكرة فتخلط بين العلياب والزيداب...توجد في تلك المحطة ذكري طيبة من الفنان الراحل عبدالعزيز محمد داؤود وذلك احسبه في الستينات عندما كان يعمل الفنان عبدالعزيز محمد داؤود في السكة الحديد وكان (محولجي) في تلك المحطة التي وضع تذكاره عليه.
} ومن اعراف الذين يعملون في محطات السكة الحديد ان يكتبوا اسماءهم وذكراهم في المحطات التي يعملون فيها ويسكنوا بالقرب منها.
} المعروف ان الشاعر محمد بشير عتيق ايضا عمل في السكة حديد وكان (براد) في ورشة محطة عطبرة الشهيرة.
} وكان سرور والامين برهان وعبيد عبدالرحمن جميعهم يعمل كسواقين (لواري)....وهذه مهنة ليست بعيدة عن (السكة الحديد).
} مع هذه المشقة اخرجوا هذا الادب ...وقدموا هذا الفن ...وصنعوا لانفسهم اغنية سميت باغنية الحقيبة تعتبر من انضر واجمل فترات الاغنية السودانية.
} ملحوظة: الكونفدرالية دي ما عاوزين سيرتها.
هوامش
} تسجيلات يونيو اصبحت تسيطر علي كل الصحف.
} 4 صفحات زيادة في الصحف الرياضية تموها بي تسجيلات يونيو.
} اذا ترك جمال الوالي المريخ وعيّن وزيرا للاستثمار ...فان الخاسر الاول من ذلك القرار هو فريق جزيرة الفيل.
} جزيرة الفيل هسع ذنبها شنو؟.
} الطاهر حماد كونفدرالي ...كونفدرالي.
} انا ما عارف المفرح ناس المريخ شنو؟.
} قالوا لعبوا مباراة جميلة امام الامل وقدموا عرضا رائعا.
} انتوا ما بتخجلوا.
} نسيتوا انكم بتلعبوا في الكونفدرالية.
} غايتو اعلام المريخ بغش في جماهير المريخ في جنس غش.
} والجماعة يصدقوا.
} بلة جابر جاب ليه قون.
} الامل دا ظاهر عليه طالع من الكونفدرالية.
} فريق داخل الكونفدرالية.
} وفريق طالع من الكونفدرالية.
} عشان كدا المباراة كان ريحتها (كونفدرالية...كونفدرالية).
} هي كان ما ريحتها كونفدرالية.....(بلة جابر) بجيب ليه قون.
} بلة جابر.
} اقول ليكم حاجة تانية...تثبت ان المباراة (كونفدرالية).
} طارق مختار.
} طارق مختار مالو؟.
} طارق مختار ...كان كابتن المريخ.
} والله (هملة).
} هملة عديل.
} الغريبة طارق مختار صدق.
} فيصل العجب مسكين.
} يحولوا ليه في الكابتنية من لاعب لي لاعب.
} كل مرة يجوا بي سبب.
} مرة لاسانا...ومرة طارق.
} طارق مختار دي بالغتوا فيها.
} يعني وقت تلعبوا مع حي العرب ..كابتن الفريق سوف يكون (بلة جابر).
} والله هملة.
} ما بعيد حمد الشجرة يبقي كابتن المريخ.
} لكن بي شرط. , المريخ يلعب ضد (الشجرة).
} مشوا تونس ...اعطوا عبدالكريم النفطي (الكابتنية).
} كابتنيتكم يا ناس المريخ (تحويل رصيد).
} مفروض تعطوا الكابتنية للحكم.
} الحكم يشيل ويجامل فيكم.
} خبر عاجل: حكم في عينك.
} في محطة السكة الحديد )العلياب( ...يوجد (تذكار عزيز)...وتذكار عزيز اغنية لابراهيم عوض كتبها الشاعر )مصطفي عبدالرحيم( وهو كاتب اغنية احمد الجابري (هوج الرياح) وله اغنية ثالثة واخيرة مع زيدان ابراهيم ..ومصطفي عبدالرحيم رغم انه لم نسمع له غير هذه الاغنيات إلا ان وجوده الغنائي يضاهي وجود الذين انتجوا الف اغنية.
} تذكار عزيز وحدها اغنية فيها (جمالية) لا توجد في أية اغنية اخرى.
} الجميل ان هذا التذكار...(جرح).
} مع ذلك بقي ذلك (الجرح) عزيزا.
} مرة قرأت مقالا لحسين خوجلي تحدث فيه عن مصطفي عبدالرحيم ...كانت كتابات حسين خوجلي عن مصطفي لا تقل بأي حال من الاحوال من اغنيات مصطفي عبدالرحيم.
} فقد كانت هي (الروعة) ذاتها.
} مصطفي عبدالرحيم كان صحفيا ...وهو قد ترك (تذكار عزيز) لدي كل المستمعين باغنياته التي كان مقلا فيها ..ولم يرصد له غير ثلاث اغنيات كما ذكرت سلفا.
} والبعض يقول اربع.
} لكن مع هذا فان ثلاثية او رباعية مصطفي عبدالرحيم تكاد ان تملأ الارض.
} هذا نتاج الاثر الكبير الذي خلفته اغنيات مصطفي عبدالرحيم.
} قبل ان اعود الي تذكار (محطة العلياب) ابقي عند (تذكار عزيز) ...والشيء بالشيء يذكر...لا اكثر ولا اقل.
جرحي الأليم الشايلو تذكار
طول حياتي أسى وهموم
جرحي الدفين العذبك يا قلبي
طول عمرك أنين
داريتو في الأعماق سنين
غنيتو للعشاق حنين
شكوى وشجون
غنيتو أصدق أغنيات
أصبح مجرد ذكريات
وين الصلات وين الشموع
الفي دروبنا منورات
وبقت هموم
} انتوا عارفين (جرحي الاليم) شنو؟.
} جرحنا الاليم نحن اللعب في (الكونفدرالية).
} طبعا المريخاب الموضوع عندهم عادي ...يلعبوا في الكونفدرالية ...يلعبوا في سيكافا ما فارقة معاهم.
} المريخاب وقت يقعدوا مع بعض ...بقولوا : هو الهلال بيلعب في الكونفدرالية!!.
} هيع.
} خربانة من كبارها.
} بيقدلوا في الشوارع.
} الفرحة كاتلاهم.
} الخروج من بطولة الاندية الافريقية ما فارق معاهم.
} المريخ اصلو (الكونفدرالية) بتشبهوا.
} نحن الكونفدرالية دي ما بتتبلع لينا.
} ولا بنكذب.
} ولا بناجمل.
} بنبلع فيها زي الحنضل.
} هسع لو ما الظروف جابرانا ...ولا بنشتغل بي قرعتها.
} موضوع ما عندو أي قيمة.
} وبطولة أي كلام.
} وجع رأس ساكت...ما تعملوا ليها توم وشمار ساكت.
} الهلال مفروض ينسحب من الكونفدرالية.
} بعد العمر دا كلو معقولة نلعب في دور الترضية.
} الكونفدرالية دي ممكن يلعب فيها بلة جابر ...عبدالحميد السعودي ...قلق...بي طريقتهم.
} عادي عندهم.
} يعني شنو؟..هيثم مصطفي بيلعب فيها.
} ناس فييرا كبار علي البطولة دي.
} اعود الي تذكار محطة العلياب.
} ومحطات السكة الحديد دون غيرها ...هي الاقدر علي الاحتفاظ بالذكريات.
} محطات السكة الحديد...الاقدر علي صناعة الالفة...وهي الاقدر كذلك علي صناعة خبز الونسة...والعشرة.
} بمناسبة العشرة ...الفنان الراحل عثمان حسين...قال ان الشاعر عوض احمد خليفة كتب (عشرة الايام) في لندن.
} لذا جاءت الاغنية محملة بكل هذا الحنين والغربة ...والوجع.
} اغنية تحس فيها بضباب...لندن وببرودة طقسها القارس....كأن في الاغنية (شبابيك) فاتحة في لندن.
} في شوارع لندن وضبابها وبرودها الكبير.
بعــدك أمانى هواى ... بعـــدك جنيته عــــدم
ولا عرفـــت صديق ... لقلبى غير الهــــم
كم غيرى يشدو سعيد ... وانا في هواك مغرم
ورينى ايه ضراك ... لو كان صبرت شوية
واسلم من الأوهـــــام
ما كان فراقنا المر ... في نيتي أو فى ايدي
لكن ظروفك أبت ... وقست ظروفي علي
واتلاشت الأحلام ... وين حسن ظنك بي
ورينى إيه ضراك ... لو كان صبرت شويه
عمر السنين أيام
} هذه اغنية متل (هدوم العيد) مازالت مدهشة...ومازالت الحيرة تحوم حولها.
} مازالت تجدد فينا (جرح ) تستوجب وتحاسب.
} لعل اجمل مقاطع الاغنية في هذا الشروع ...(واتلاشت الاحلام...وين حسن ظنك بي).
} محكمة.
} وما يتبقي عند المحبين ...ان قفلت الدنيا ابوابها ..وسدت منافذها .. يبقي فقط (حسن الظن)..وهذا اجمل نتاج الاحباب.
} كل الاشياء لو حسبت عليك وكانت ضدك ..يجب ان يكون (الظن) حسنا..ان كان هناك حب.
} هذه الاغنية ..عندما تستطعم حروفها ..وتعلم انها كتبت في (لندن) سوف تفك طلاسم الحيرة والوجعة فيها.
} ما لي كلما فتحت سيرة (تذكار عزيز) اخرجنا منها لطاري.
} قلت في محطة العلياب ...ان لم تخني الذاكرة فتخلط بين العلياب والزيداب...توجد في تلك المحطة ذكري طيبة من الفنان الراحل عبدالعزيز محمد داؤود وذلك احسبه في الستينات عندما كان يعمل الفنان عبدالعزيز محمد داؤود في السكة الحديد وكان (محولجي) في تلك المحطة التي وضع تذكاره عليه.
} ومن اعراف الذين يعملون في محطات السكة الحديد ان يكتبوا اسماءهم وذكراهم في المحطات التي يعملون فيها ويسكنوا بالقرب منها.
} المعروف ان الشاعر محمد بشير عتيق ايضا عمل في السكة حديد وكان (براد) في ورشة محطة عطبرة الشهيرة.
} وكان سرور والامين برهان وعبيد عبدالرحمن جميعهم يعمل كسواقين (لواري)....وهذه مهنة ليست بعيدة عن (السكة الحديد).
} مع هذه المشقة اخرجوا هذا الادب ...وقدموا هذا الفن ...وصنعوا لانفسهم اغنية سميت باغنية الحقيبة تعتبر من انضر واجمل فترات الاغنية السودانية.
} ملحوظة: الكونفدرالية دي ما عاوزين سيرتها.
هوامش
} تسجيلات يونيو اصبحت تسيطر علي كل الصحف.
} 4 صفحات زيادة في الصحف الرياضية تموها بي تسجيلات يونيو.
} اذا ترك جمال الوالي المريخ وعيّن وزيرا للاستثمار ...فان الخاسر الاول من ذلك القرار هو فريق جزيرة الفيل.
} جزيرة الفيل هسع ذنبها شنو؟.
} الطاهر حماد كونفدرالي ...كونفدرالي.
} انا ما عارف المفرح ناس المريخ شنو؟.
} قالوا لعبوا مباراة جميلة امام الامل وقدموا عرضا رائعا.
} انتوا ما بتخجلوا.
} نسيتوا انكم بتلعبوا في الكونفدرالية.
} غايتو اعلام المريخ بغش في جماهير المريخ في جنس غش.
} والجماعة يصدقوا.
} بلة جابر جاب ليه قون.
} الامل دا ظاهر عليه طالع من الكونفدرالية.
} فريق داخل الكونفدرالية.
} وفريق طالع من الكونفدرالية.
} عشان كدا المباراة كان ريحتها (كونفدرالية...كونفدرالية).
} هي كان ما ريحتها كونفدرالية.....(بلة جابر) بجيب ليه قون.
} بلة جابر.
} اقول ليكم حاجة تانية...تثبت ان المباراة (كونفدرالية).
} طارق مختار.
} طارق مختار مالو؟.
} طارق مختار ...كان كابتن المريخ.
} والله (هملة).
} هملة عديل.
} الغريبة طارق مختار صدق.
} فيصل العجب مسكين.
} يحولوا ليه في الكابتنية من لاعب لي لاعب.
} كل مرة يجوا بي سبب.
} مرة لاسانا...ومرة طارق.
} طارق مختار دي بالغتوا فيها.
} يعني وقت تلعبوا مع حي العرب ..كابتن الفريق سوف يكون (بلة جابر).
} والله هملة.
} ما بعيد حمد الشجرة يبقي كابتن المريخ.
} لكن بي شرط. , المريخ يلعب ضد (الشجرة).
} مشوا تونس ...اعطوا عبدالكريم النفطي (الكابتنية).
} كابتنيتكم يا ناس المريخ (تحويل رصيد).
} مفروض تعطوا الكابتنية للحكم.
} الحكم يشيل ويجامل فيكم.
} خبر عاجل: حكم في عينك.
