من طرف الضرب على الميت
محمد سفلة
إعتدت الجراح ياغالية ما عاد البشوفو جديد
ومابشعر بقيت بالطعنه مهما كان مداها بعيد
واحد عندى كان الامى تنقص واللا تانى تزيد
واللا أصبح ملاقى مأسى واللا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعها من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضوقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دم وصديد
والموت قبل أجيك صدقنى ياهو مصيرى تانى أكيد
الشقى فيها أمسى قرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكى أرزح فى الظلام والقيد
وخايف تبقى فيها اقدارى حاكمه على بالتأبيد
لو يجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يا غالية غيرك ماحأبقى سعيد
ودونك لو هدولى ثماره برضىء أشوفه مره شديد
يا غالية .. ما عاد البشوفو جديد
محمد سفلة
إعتدت الجراح ياغالية ما عاد البشوفو جديد
ومابشعر بقيت بالطعنه مهما كان مداها بعيد
واحد عندى كان الامى تنقص واللا تانى تزيد
واللا أصبح ملاقى مأسى واللا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعها من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضوقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دم وصديد
والموت قبل أجيك صدقنى ياهو مصيرى تانى أكيد
الشقى فيها أمسى قرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكى أرزح فى الظلام والقيد
وخايف تبقى فيها اقدارى حاكمه على بالتأبيد
لو يجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يا غالية غيرك ماحأبقى سعيد
ودونك لو هدولى ثماره برضىء أشوفه مره شديد
يا غالية .. ما عاد البشوفو جديد
